ماہنامہ عبقری - دسمبر 2009ء

عبقری میں ایک عبداللہ نامی لڑکے کا واقعہ پڑھا تھا جو روزانہ صبح و شام سورہ فاتحہ اور تین قل پڑھتا تھا جس وجہ سے اس پر کسی قسم کا جادو اثر نہ کر سکا۔ میں نے بھی یہی معمول بنایا اور بیوی کو بھی اس کی پابندی کرواتا ہوں‘ ایک اور بات جس کا خاص طور پر ذکر کرنا چاہتا ہوں وہ سبحان اللہ خان والا وظیفہ‘ یہ تو ایسے ہے کہ کوئی جادو کی چھڑی ہاتھ لگ گئی ہو‘ اب یہ وظیفہ بھی دن رات ایک ایک مرتبہ پابندی کے ساتھ اور سارے دن میں اکثر پڑھتا ہوں‘ کوئی بھی کام نہیں رکتا ‘ یا کام ہو جاتا ہے یا مجھے مطمئن کرنے والا نتیجہ نکلتا ہے۔ آج ایک ساتھی نے آفس بلایا کہ نیا پرنٹر نہیں چل رہا ‘ سب کچھ چیک کر لیا نہیں چلا‘ فون پر دوست سے پوچھا کچھ سمجھ نہیں آیا‘ مکمل ذہن بنا لیا تھا کہ دکان پر لے جانا پڑے گا‘ بس ذہن میں آیا یہی وظیفہ پڑھا اوراللہ جانتا ہے کہ بلا وجہ ایک بٹن پر انگلی گئی کچھ دیر بٹن دبا کر رکھا اور پرنٹر بالکل صحیح ہو گیا‘ پرنٹ نکالے اور سب کام بہترین ‘ کچھ دن پہلے UPS بنانے میں ایک مسئلہ سامنے آیا‘ ہال روڈ پر بڑے بڑے سرکٹ بنانے والوں کو بھی اس کا حل نہیں پتا تھا۔ حتیٰ کہ انہوں نے یہاں تک کہہ دیا کہ یہ کام نہیں ہو سکتا۔ کافی دن اس کام پر لگے رہے ‘ یہ وظیفہ بھی پڑھتا رہا ایک دن ہال روڈ پر ایک باریش صاحب ملے کسی قسم کا کوئی تعلق نہیں تھا وہ ایک سرکٹ خرید رہے تھے‘ ہم نے ان کو منع کیا کہ سرکٹ نہ لیں اس میں پرابلم ہے انہوں نے کچھ ٹیکنیکل بات کی‘ ان کا موبائل نمبر لے لیا‘ وہ دھرم پورہ کے علاقے میں ایک مسجد کے امام بھی ہیں۔ ان کے گھر گئے اور چند دن کی محنت کے بعد مسئلے کا حل نکل آیا‘ اب جب ہال روڈ پر سرکٹ بنانے والوں کو بتایا تو وہ حیران ہوئے ‘ حالانکہ ان لوگوں کے پاس سالوں کا تجربہ اور تعلیم ہے اور میرے پاس کوئی تعلیم نہیں اور چند دن کا تجربہ‘ جب سے وظیفہ صبح و شام پڑھنا شروع کیا میری بیوی تو جیسے مکمل بدل ہی گئی ہو‘ ہر کام میری مرضی کے مطابق حتیٰ کہ کہنا بھی نہیں پڑتا ‘ میرے والد کا بھی بہت دھیان رکھتی ہے ۔اس طرح کے بہت سے اور بھی مشاہدات ہیں اس وظیفہ کے متعلق‘ بس اتنا ہی کہوں گا یقین کے ساتھ اللہ کے نام اللہ کے رب ہونے کا ثبوت دیتا ہے۔وظیفہ یہ ہے ایک بار سورة فاتحہ اور تین بار سورة اخلاص اول و آخر تین بار درود شریف‘ انتہائی آزمودہ ہے۔ پچھلا صفحہ