اس ماہ کی روحانی محفل11اگست بروز جمعہ سہ پہر3بجکر5منٹ سے4بجکر23 منٹ تک‘23 اگست بروز بدھ عصر تا مغرب‘ 28 اگست بروز سوموار رات7 بجے سے8بجکر21 منٹ تک دُپڑھیں۔یہ ذکر، بھکاری بن کر ، خلوص دل ، درددل ، توجہ اور اس یقین کے ساتھ کہ میرارب میری فریا د سن رہا ہے اور سو فی صد قبول کر رہا ہے۔ پانی کا گلاس سامنے رکھیں ا و ر اس تصو ر کیساتھ پڑھیں کہ آسمان سے ہلکی پیلی روشنی آپکے دل پر ہلکی بارش کی طر ح برس رہی ہے اور دل کو سکون چین نصیب ہورہا ہے اور مشکلات فوری حل ہورہی ہیں۔ وقت پورا ہونے کے بعد دل و جان سے پوری امت، عالم اسلام اور غیرمسلموں کے ایمان کیلئے پوری دنیا میں امن کی دعا‘ اپنے لیے اور اپنے عزیز و اقارب کیلئے دعا کریں۔ پورے یقین کے ساتھ دعا کریں۔ ہر جائز دعا قبول کرنا اللہ تعالیٰ کے ذمے ہے۔ دعا کے بعد پانی پر تین بار دم کر کے پانی خود پئیں۔ گھروالوں کو بھی پلا سکتے ہیں۔ انشاء اللہ آپکی تمام جائز مرادیں ضرور پوری ہونگی۔
ہر محفل کے بعد 11روپے صدقہ ضرور کریں
( نوٹ :)1-روحانی محفل کے درمیان اگر نماز کا وقت آجائے تو پہلے نماز ادا کی جائے اور بقیہ وقت نماز کے بعد پورا کیا جائے۔ اگر اسی وقت یہ وظیفہ روزانہ کرلیں تو اجازت ہے مستقل بھی کرنا چاہیں تو معمول بناسکتے ہیں۔ ہر مہینے کا ورد مختلف ہوتا ہے اور خاص وقت کے تعین کے ساتھ ہوتا ہے۔ بے شمار لوگوں کی مرادیں پوری ہوئیں۔ ناممکن ،ممکن ہوئیں۔ پھر لوگوں نے اپنی مرادیں پوری ہونے پر خطوط لکھے آپ بھی مراد پوری ہونے پرخط ضرور لکھیں۔ (ایڈیٹر: ۔حکیم محمد طارق محمود عفااللہ عنہ)
محترم حضرت حکیم صاحب السلام علیکم! میں نے جب سے ہوش سنبھالا‘ دکھ ہی دکھ دیکھے ہیں اپنے والدین کو پریشان ہی دیکھا تھا‘ والدہ کی وفات کے بعد میرا بہت بُرا‘ دردناک دور شروع ہوا۔ مجھ پربھابی‘ چچی کی جانب سے بہت مظالم ڈھائے گئے‘ بھائیوں اور بڑی بہنوں (شادی شدہ) نے میری طرف کوئی توجہ نہ کی‘ میں نوکرانیوں کی طرح زندگی بسر کرتی رہی۔ بس اللہ تعالیٰ سے فریاد کرتی کہ یااللہ ! کوئی سبب بنادے مجھے اس جہنم سے نکال دے‘ اسی دوران مجھے میری دوست نے عبقری دیا‘ پڑھا‘ بہت خوشی ہوئی کہ اب میرے مسائل حل ہوں گے‘ اپنی دوست کو کہا کہ تم ہر ماہ پڑھنے کے بعد مجھے عبقری دے دیا کرو‘ وہ رضامند ہوگئی۔ اس میں موجود (باقی صفحہ نمبر34 پر )
(بقیہ: دکھوں کی ماری کا خوشیوں بھرا خط)
ہرماہ کی روحانی محفل کے بارے پڑھا اور اس سے فیض پانے والوں کے مشاہدات بھی پڑھے۔ مجھے لگا یہی روحانی محفل میرا مسئلہ حل کرے گا۔ میں نے یقین‘ توجہ اور دھیان کے ساتھ روحانی محفل کرنا شروع کردی‘ ابھی کرتے ہوئے چار ماہ ہی ہوئے تھے کہ میری چچی‘ بھابی اور دیگر رشتہ داروں کے نہ چاہتے ہوئے بھی میری شادی ایک بہت ہی اچھے گھرانے میں بالکل سادگی کے ساتھ میرے بڑے بھائی نے کردی۔ اللہ کریم کا لاکھ لاکھ شکر ہے کہ مجھے بہت ہی محبت کرنے اور میرا پل پل خیال رکھنے والا شوہر نصیب ہوا۔ الحمدللہ! میں روحانی محفل اب بھی کرتی ہوں اور اس کریم رب کا شکرادا کرتی نہیں تھکتی۔ (ع۔ف‘ راولپنڈی)