نبی کریم ﷺ نے ارشاد فرمایا کہ جس نےر ات کے پہر سورۂ بقرہ کی آخری دو آیات پڑھیں یہ اس کیلئے کافی ہوجائیں گی۔

نبی کریم ﷺ نے ارشاد فرمایا کہ جس نےر ات کے پہر سورۂ بقرہ کی آخری دو آیات پڑھیں یہ اس کیلئے کافی ہوجائیں گی۔ ٭نبی کریم ﷺ نے فرمایا کہ جس نے ہر فرض نمازکے بعد آیۃ الکرسی پڑھی اس کو دخول جنت سے موت کے سوا کوئی شئی مانع نہیں اور جس نے اس کو بستر پر لیٹتے وقت پڑھا‘ اللہ تعالیٰ اس کے گھر اور اس کے پڑوسی کے گھر اور آس پاس کے گھروں کی حفاظت فرمائیں گے۔ ٭نبی کریم ﷺ نے فرمایا ہے کہ میں تم کو ایسی سورت نہ بتاؤں؟ جس کی عظمت سے آسمان و زمین کا خلا بھی پُر ہے اور اس کے لکھنے والے کو بھی اتنا ہی اجرملتا ہے اور جو اس کو جمعہ کےروز پڑھتا ہے‘ دوسرے جمعہ تک اور مزید تین یوم کے اس کے گناہ معاف کردئیے جاتے ہیں اور جو شخص سوتے وقت اس کی آخری پانچ آیات پڑھ لے تو اللہ تعالیٰ اس کو جس وقت بھی وہ چاہے بیدار فرمادیتے ہیں۔ وہ سورۂ کہف ہے۔ ٭نبی کریم ﷺ نے فرمایا ہے کہ جس نے اللہ کی رضا کیلئے رات کو یٰسین پڑھی اللہ رات ہی کو اس کی مغفرت فردیں گے۔ (شعب الایمان‘ کنزالعمال حصہ اول‘ ص354)