خوشی و غمی میں وہ کھیلنا شروع کردیتی ہیں اور اکثر ہمیں گھرمیں کوئی چلتا ہوا نظر آتا ہے‘ ہمارے گھر سے بہت گندی بدبو آتی ہے‘ حتیٰ کہ ہم صفائی بھی بہت کرتے ہیں لیکن یہ بو جاتی نہیں‘ باہر سے آنے والے بھی یہی کہتے ہیں کہ آپ کے گھر بہت گندی بدبو آتی ہے۔

محترم حکیم صاحب السلام علیکم!میری چھوٹی بہن جس کا نام نسرین ہے‘ کچھ دن پہلے کی بات ہے کہ وہ واش روم سے نکلی اور بے ہوش ہوکر گرگئی ہم نے اسے اٹھایا تو ہوش آنے کے بعد کہنے لگی کہ میرے سینے میں بائیں طرف درد ہے اور پھر اپنے ہوش کھودیتی اور جب ہوش آتا تو کہتی کہ مجھے دادا ابو اور ماموںلینے آئے ہیں ‘ ان دونوں کی وفات ہوچکی ہے ۔ ہم اپنی بہن کو ہارٹ سپیشلسٹ کے پاس لے گئے اور چار گھنٹے ایمرجنسی میں رکھا انہوں نے ای سی جی بھی کی‘ اس کی تمام رپورٹس ٹھیک تھیں۔ انہوں نے کہا کہ اسے گھر لے جائیں یہ جان بوجھ کر ایسا کررہی ہے۔ انہوں نے اسے نیند کے ہائی ڈوز انجکشن بھی دئیے لیکن اسے نیند نہیںآتی تھی اور اگر سوجاتی تو سوتے میں کبھی روتی اور کبھی ہنستی تھی۔ دوسرے دن میں نے صبح اپنے چاچو کو فون کیا اور وہ آئے تو انہوں نے کہا کہ اسے ’’آسیب‘‘ ہے اور دم کرنا شروع کردیا۔ اچانک دم کے دوران میری بہن عجیب وغریب آواز میں بولنا شروع ہوگئی ۔ چاچو نے اس سے کہا تم جو کوئی بھی ہو دفع ہوجاؤ‘ کہنے لگی چلی جاؤں گی پہلے تم مجھے یٰسین سناؤ‘ چاچو نے یٰسین پڑھنا شروع کردی اور پھر کہنے لگی کہ میرے بابا جی آئے ہیں سامنے والی کرسی خالی کردو‘ چاچو وہاں سے اٹھ گئے‘ پھر کہنے لگی بابا جی گلاب کا پھول اور تسبیح مانگ رہے ہیں ہم نے تسبیح دے دی اور گلاب کے پھول کیلئے معذرت کرلی وہ کہنے لگی بابا جی کہتے ہیں مجھے گلاب کا پھول ہی چاہیے‘ جلدی کرو‘ میں نے نماز ظہر ادا کرنی ہے۔ پھر ہم نے گلاب کا پھول لاکردیا‘ پھر کہنے لگی باباجی کہتے ہیں سب سے مل لو اور معافی مانگ لو تم نے نہیں بچنا‘ اس نے ہم سب سے معافی مانگی اور پھر کہنے لگی کہ باباجی کہتے ہیں کہ آپ کا واش روم ٹھیک نہیں‘چاچو نے کہا ہم جگہ تبدیل کردیتے ہیں‘ بابا جی نے کہا نہیں ہم نے وہاں سے کیل نکال دیا ہے۔ پھر بولی کہ سب سلام کرو بابا جی جارہے ہیں‘ اسے وہ عورت بھی نظر آئی جس سے ہم نے گھر خریدا تھا وہ سامنے درخت کے سائے میں بیٹھی ہوئی تھی۔
اس کے بعد میری بہن کی حالت سنبھلنا شروع ہوگئی اور اس نے بتایا کہ بابا جی نے بتایا کہ آپ کے باتھ روم میں جادو کیا گیا تھا اور باتھ میں جانے کی دعا کے پڑھنےکا خاص طور پر بتایا۔
محترم حکیم صاحب! میری دادی جان ہیں ان کے ساتھ بھی کوئی مسئلہ ہے۔ خوشی و غمی میں وہ کھیلنا شروع کردیتی ہیں اور اکثر ہمیں گھرمیں کوئی چلتا ہوا نظر آتا ہے‘ ہمارے گھر سے بہت گندی بدبو آتی ہے‘ حتیٰ کہ ہم صفائی بھی بہت کرتے ہیں لیکن یہ بو جاتی نہیں‘ باہر سے آنے والے بھی یہی کہتے ہیں کہ آپ کے گھر بہت گندی بدبو آتی ہے۔