میری بیٹی کے ساتھ کالے اور خبیث جنات کا سا یہ تھا۔ یہ معاملہ اس دن شروع ہوا تھا جب وہ نہا کر غسل خانے سے باہر آئی اور صحن میں بیٹھ کر بالوں میں کنگھی کرنے لگی۔ اس دوران اسے کوئی چیز نظر آئی اور یہ وہیں بے ہوش ہو گئی‘ ہاتھ پائوں مڑ گئے اور وحشت ناک آوازیں نکالنے لگی۔اس کی والدہ نے دیکھا تو بے ساختہ شور مچا دیا ‘ گھر والے سب اکٹھے ہو گئے اور بیٹی کےہاتھ پائوں مسلنے شروع کر دیے اور فوراً ہسپتال لے گئے۔ڈاکٹر نے بھی جسمانی کمزوری سمجھ کر  ڈرپ لگا دی ۔ اس دن کے بعد مسلسل اس کی حالت بگڑنا شروع ہو گئی ۔ ہم نے کئی جگہوں سے دم کروایا لیکن مسئلہ جوں کاتوں رہا۔ دن میں ایک دو بار جنات کا حملہ ہو جاتا اور بیٹی اسی طرح بے ہوش ہو جاتی اور ہاتھ پائوں مڑ جاتے تھے۔ ہم سب گھر والے بے بس اور لاچار کھڑے دیکھتے رہتے‘ جو سورتیں اور دعائیں یا د ہوتیں وہ پڑھ پڑھ کر دم کرتے رہتے‘ اسی طرح چلتا رہا ۔ بیٹی کی صحت کمزور اور جسم سوکھ کر کانٹا ہو گیا۔جہاں بھی ہمیں کوئی بتاتا کہ کوئی بزرگ روحانی علاج کرتے ہیں‘ ہم وہیں لے جاتے لیکن کسی جگہ سے مکمل آرام نہیں آیا۔ یہ مسئلہ چند دنوں کے لئے رک جاتا لیکن پھر شروع ہو جاتا۔ پھر ہمیں کسی نے عبقری تسبیح خانہ کے بارے میں بتایا۔ ہم یہاں بھی آئے لیکن یہاں آ کرہمیں پتہ چلا کہ حضرت حکیم صاحب سے انفرادی ملاقات کے لئے پہلے سے وقت لیا جاتا ہے‘ خیر ہم نے حضرت حکیم صاحب کے اسسٹنٹ صاحب سے ملاقات کی انہوں نے ہمیں تسبیح خانہ میں موجود گوشہ طلسمات میں بھیج دیا۔ ہم بیٹی کو گوشہ طلسمات لےگئے اور وہاں موجودتمام طلسمات کے عمل کروائے۔جیسے جیسے عمل کر رہے تھے بیٹی کی حالت خراب ہو رہی تھی ‘ آنکھوں سے آنسو اور منہ سے جھاگ نکلنے لگی ‘ دوبارہ بے ہوشی کی کیفیت ہونے لگی ۔تھوڑی ہی دیر میں بیٹی کو ہوش آ گیا اور وہ بالکل ٹھیک ہو گئی۔ وہ دن اور آج کا دن ہے دوبارہ ہماری بیٹی پر جنات کا حملہ نہیں ہوا ۔ بے شک تسبیح خانہ کا روحانی نظام بہت طاقتور ہے اس کی برکت سےبڑی سے بڑی بلائیں ختم ہو جاتی ہیں۔( عبد الخالق ، قصور)