کامل شفاء اور تندرستی کا راز!ناشتہ میں یہ چیز کھا لیں!

ام المومنین ﷺ طبی دنیا کی بھی ماہر
روایات اور تاریخی کتابوں سے یہ بات واضح ہوئی ہے کہ حضرت عائشہ صدیقہؓ علم دینیہ کے علاوہ تاریخ، ادب اور طب کے علوم کی بھی ماہر تھیں۔طب اور مریضوں کے علاج معالجہ میں بھی انہیں کافی بہت مہارت تھی۔ حضرت عروہ بن زبیر رضی اﷲ تعالیٰ عنہ فرماتے ہیں جس کا مفہوم ہے کہ میں نے ایک دن حیران ہو کر حضرت بی بی عائشہ صدیقہ رضی اللہ تعالیٰ عنہا سے عرض کیا کہ اے اماں جان! مجھے آپ کے علم حدیث و فقہ پر کوئی تعجب نہیں کیونکہ آپ نے رسولﷺ کی زوجیت اور صحبت کا شرف پایا ہے اور آپؓ رسولﷺ کی سب سے زیادہ محبوب ترین زوجہ مقدسہ ہیں مگر میں اس بات پر بہت ہی حیران ہوں کہ آخر یہ طبی معلومات اور علاج و معالجہ کی مہارت آپ کو کہاں سے اور کیسے حاصل ہو گئی؟ یہ سن کر حضرت عائشہ صدیقہ رضی اﷲ عنہا نے فرمایا کہ حضور اکرم ﷺ اپنی آخری عمرمیں اکثر علیل ہو جایا کرتے تھے اور عرب و عجم کے اطباء آپﷺ کے لئے دوائیں تجویز کرتے تھے اور میں ان دواؤں سے آپ کا علاج کیا کرتی تھی (اس لئے مجھے طبّی معلومات بھی حاصل ہو گئیں)۔ (شرح الزرقانی علی المواھب، المقصد الثانی، الفصل الثالث فی ذکر ازواجہ الطاھرات، عائشہ اُم المؤمنین،4/389 تا392 ) ۔
فرمان حضرت عائشہ صدیقہؓ
حضرت اماں عائشہ صدیقہؓ سے روایت کرتی ہے جس کا مفہوم ہے کہ عجوہ کجھوروں میں شفاء ہے‘صبح کے اول وقت میں ان کا استعمال تریاق (کا اثر رکھتا )ہے۔
جدید سائنسی ریسرچ
جدید ریسرچ سے یہ بات سامنے آئی ہے کہ کھجور فوری توانائی حاصل کرنے کا ایک بہت بڑا ذریعہ ہے۔ اپنے دن کا آغاز یعنی ناشتہ میں چند کھجوریںکھا لینا دن بھر تر و تازہ رہنے کا ایک بہترین طریقہ ہے۔ کھجوریں ریشہ کا ایک پاور ہاؤس ہیں جو نظامِ ہاضمہ کو بہتر بنانے اور قبض جیسے مسائل کو ختم کرنے میں معاون ثابت ہوتا ہے۔
نکھری ہوئی جلد
صبح کے وقت کھجوریں کھانے سے آپ کی جِلد نِکھرتی ہے اور ایکنی جیسے مسائل سے بھی چھٹکارا حاصل ہوتا ہے۔جسم میں خون کی کمی اور خون کے بہاؤ کو روکنے کے لیے آئرن کی مقدار ضروری ہے۔کھجور آئرن کا ایک بھرپور ذریعہ ہے۔
کمزوری کا خاتمہ
ہر طرح کی کمزوری ختم کرنے کے لئے کجھور کا استعمال نا گزیر ہے۔مرد حضرات کی صحت کو تقویت بخشتی ہے اور کمزوری ختم ہوتی ہے۔ کھجوریں جنسی صلاحیت کو بڑھاتی ہیں۔
حاملہ خواتین کے لئے مفید
حمل کے آخری مرحلے میں کھجوریں کھانا ڈلیوری کے دوران آسانی ہوتی ہے۔ کیونکہ اس دوران بچہ دانی کے پٹھوں کا قدرتی سنکچن لاتی ہیںجس سےنارمل ڈلیوری کے امکانات کافی حد تک بڑھ جاتے ہیں ۔
کولیسٹرول سے بچائو
کھجور جسم میں خراب کولیسٹرول (ایل ڈی ایل) کی سطح کو کم کرتی ہے۔ موٹاپے سے نجات کے علاوہ اس سے شریانوں اور دل کی بیماریوں میں رکاوٹ کے خطرات کافی حد تک کم ہوجاتے ہیں جس سے دل کے مختلف امراض سے حفاظت رہتی ہے اور ان امراض کی صورت میں کجھور کا استعمال علاج کے لئے نہایت اہم کردار ادا کرتا ہے۔