محترم حضرت حکیم صاحب السلام علیکم!میں عبقری کی پچھلے دو سال سے پڑھنے والی ہوں بہت ہی اچھا رسالہ ہے۔ میری عمر 25 سال ہے اور میرا وزن تقریب 75 کلو گرام ہے جس کو لے کر میں بہت ہی زیادہ پریشان تھی۔ وزن بڑھنے کی وجہ سے میرا رشتہ بھی نہیں ہورہا ہے جو بھی آتا دیکھ کر چلا جاتا اور بعد میں یہ کہہ کر جواب ہو جاتا کہ لڑکی کچھ زیادہ ہی صحتمند ہے۔ میری سہیلیوں نے میرا نام ’’موٹی‘‘ رکھ دیا تھا جب بھی ان سے ملنا ہوتا یا فون پر بات ہوتی تو نام لینے کی بجائے مجھے وہ موٹی کہتی تھیں۔ اب میں دل سے تو بہت ہی بُرا محسوس کرتی تھی لیکن ان سے نہیں کہتی تھی ظاہر ہے میں موٹی ہی تھی۔ میں نے عبقری رسالہ میں جب ’’عرق موٹاپا شفاء‘‘ کا پڑھا تو میری جان میں جان آئی کیونکہ عبقری کی ادویات پر مجھے اعتمار تھا۔ اس سے پہلے تو میں نے بہت سی ادویات کا استعمال کیا کہ وزن کم ہو جائے مختلف سیرپ اور عرق بھی استعمال کیے پر کوئی فائدہ نہ ہوا ۔ ٹی وی سے دیکھ کر ایک دن بیلٹ بھی منگوایا جس کو باندھ کر رکھنے سے چند ہفتوں میں پیٹ بھی کم ہو جاتا تھا لیکن کوئی فائدہ نہ ہوا صرف اور صرف پیسوں کا ضیاع تھا۔ خیر میں نے اپنی والدہ کو ’’عرق موٹاپا شفاء‘‘ کا بتایا تو وہ دواخانہ جاکر چھ بوتل لے آئی میں نے عرق موٹاپا شفاء کا استعمال کرنا شروع کیا تمام تلی ہوئی بازاری اشیاء خوردونوش استعمال سے مکمل پرہیز کرلیا ۔ عرق موٹاپا شفاء استعمال کرنے سے پہلے میرا وزن 75 کلو گرام تھا تقریباً تین ماہ کے مسلسل استعمال اور پرہیز کے بعد میں نے جب اپنا وزن چیک کیا تو 70 کلو گرام پر آگیا میرے دل میں ایک امید جاگ اٹھی اس دن میں بہت خوش تھی کہ اب میرا وزن کم ہو جائے گا ۔ گیارہ ماہ مسلسل عرق موٹاپا شفاء استعمال کرتی رہی تب جاکر میرا وزن 62 کلوگرام پر آگیا۔ یقین کریں کہ میری سہیلیاں ، رشتہ دار دیکھ کر حیران ہوتے تھے کہ یہ تو بہت موٹی تھی اب بالکل ٹھیک ہوگئی ہے میں دل میں عبقری کا شکریہ ادا کرتی تھی۔ (فرزانہ کوثر، لاہور)