(سید خالد حیات، سرگودھا)

محترم حضرت شیخ الوظائف السلام علیکم! درج ذیل تعویذات عبقری رسالہ میں شائع فرمادیں‘ ناچیز کے استعمال میں رہے‘ مخلوق خدا کو بہت فائدہ ہوا ہے۔ جب بھی یہ نقش لکھنے بیٹھیں اول یا اللہ یاحافظ یاحفیظ یارقیب یاوکیل یا سلام تین مرتبہ پڑھ کر اپنے اوپر دم کرنے سے رجعت سے محفوظ رہیں گے۔ انتہائی طاقتور نقش ہیں‘ پہلا جو ابھی میں لکھنے جارہا ہوں اس کے لکھنے اور اسے اپنے پاس رکھنے سے انسان جن‘ بھوت‘ پری‘ آسیب‘ سایہ‘ چڑیل‘ نظربد اور ہر روحانی و جسمانی بیماری ‘ جادو سے محفوظ رہے گا۔ میں نے مخلوق پر اس نقش کو بہت آزمایا ہے‘ آپ بھی آزمائیے اور مجھےا ور امت مسلمہ کو دعاؤں میں یاد رکھیے۔

یااللہ! اس نقش کو پاس رکھنےوالے کو جن‘ بھوت‘ پری‘ آسیب‘ سایہ‘ چڑیل ‘ نظر بد و ہر بیماری سے ‘ جادوسے محفوظ فرما۔ یہ نقش دو عدد لکھیں ایک پانی کی بوتل میں ڈال لیں
اور وہی پانی متاثر شخص کو پلائیں اور ایک تعویذ گلے میں پہنا دیں۔ہمارے علاقہ میں ایک بچی پر جنات کا مسئلہ تھا‘اس بچی کو وہ جنات بہت تنگ کرتے تھے‘ اس کا والد کسی بھی عامل کو لاتا تھا تو وہ بھاگ جاتا تھا‘عاملین اس کیس میں ہاتھ نہیں ڈالتے تھے‘ اس کا والد بہت پریشان تھا‘ بے شمار جگہ سے علاج کروا کر ہاتھ پر ہاتھ رکھ کر بیٹھ گیا‘ اس کو کسی نے ذہنی امراض کے ڈاکٹر کے پاس بھیجا وہاں بھی صرف پیسے ضائع ہوئے ‘ جوان بچی تھی جس کی وجہ سے پورے گھر میں پریشانی تھی‘ اس کے آئندہ آنے والے زندگی کو لےکر والد کا دکھ دیکھا نہ جاتا تھا۔ ان کو کسی نے میرا بتایا‘ میرے پاس آئے تو میں نے یہی دو نقش لکھ کر دئیے‘ایک بچی کے گلے میں ڈال دیا اور ایک بچی کو پینے کیلئے دیا‘ مزید بچی کو نماز پنج وقتہ‘ ہروقت باوضو اور قرآن کریم کی بکثرت تلاوت کاکہا۔ چند ہفتوں میں ہی بچی بالکل تندرستہ ہوگئی‘ جناتی مسئلہ ختم ہوگیا۔