جسم میں خون کی کمی دور کرنے کیلئے بہترین غذا

فرمان امام رضاسلام اللہ و رضوانہ علیہ
فرمانِ ابوالحسن علی بن موسی الرضا المعروف حضرت امام رضا سلام اللہ و رضوانہ علیہ’’خون کی صفائی اور نئے خون کی پیدائش کیلئے ناشتہ میں شہد کے استعمال کو معمول بنالیں۔‘‘
جدید سائنسی تحقیق
جدید طب نے بھی شہد کوامراض کے لیے اکسیر اور معجزاتی دوا کے طور پر تسلیم کیا گیا ہے۔ شہد ہرمرض میں استعمال کیا جا سکتا ہے اس کے متعلق یہاں تک کہا جاتا ہے کہ شہد میں موت کے علاوہ ہر بیماری کا علاج پوشیدہ ہے۔ شہد وٹامن اورمعدنیات کا خزانہ ہے۔شہد پر کی گئی تحقیق سے یہ بات سامنے آئی ہے کہ اس میں معدنیات جیسے میگنیشیم، پوٹاشیم، کیلشیم، سوڈیم کلورین، سلفر، آئرن اور فاسفورس پائی جاتی
ہے اس کے علاوہ شہد اپنے اندر وٹامن بی ون، بی ٹو، بی سکس، بی فائیو اور بی تھری کے علاوہ کاپر، آئیوڈین اور زنک بھی تھوڑی مقدار میں پایا جاتا ہے۔ خون کی کمی دور کرنے کیلئے و ٹامن سی کی ضرورت ہوتی ہے۔ شہد میں وٹامن سی پایا جاتا ہے۔(ریسرچ گیٹ) ایک اور جدید طبی تحقیق سے انکشاف ہوا ہے کہ شہد زبردست جراثیم کش خصوصیات رکھتا ہے۔ وجہ یہ ہے کہ مکھیاں مختلف جڑی بوٹیوں اور پودوں کے پھولوں کا رس چوس کر شہد بناتی ہیں۔یوں کئی نباتات کے ادویاتی فوائد مل کر شہد کو قدرت کا تحفہ خاص بنا دیتے ہیں۔ایک تحقیق کے مطابق خون کی کمی زیادہ تر خون میں آئرن کم ہونے کی وجہ سے ہوتی ہے۔جب صبح نیم گرم پانی کے ساتھ شہد استعمال کیا جائے تو خون کے سرخ ذرات بڑھنا شروع ہو جاتےہے۔

کمپیوٹر دماغ چاہیے تو میوہ کھائیے!

فرمان حضرت امام علی نقی سلام اللہ ورضوانہ علیہ
ـ’’جو شخص یہ چاہے کہ اس کا حافظہ بڑھ جائے اسے چاہیے کہ روزانہ صبح تین تولہ(3 دانہ) مویز منقیٰ(میوہ/ کشمش) کھا لیا کرے۔‘‘
جدید سائنسی تحقیقات
1-امریکہ کی ریسرچ کے مطابق کشمش کے اندر بورون عنصر وافر مقدار میں پایا جاتا ہے۔ دن میں روزانہ 2.3 ملی گرام بورون لینا ، دماغی صلاحیتوں کو بڑھا دیتا ہے۔
2-ماہرین کے مطابق کشمش کو رات میں ایک گلاس پانی میں بھگو کر اگلی صبح خالی پیٹ کھالینا دماغ اور جسم کے لیے انتہائی فائدہ مند ثابت ہوسکتا ہے۔
3-ایک اور ریسرچ کے مطابق کشمش دماغ کی صلاحیتوں کو بہتر کرتی ہے-
4-ایک اور جدید ریسرچ کے مطابق کشمش دماغ کے لیے بہت زیادہ فائدہ مند ہے۔ کیونکہ اس سے بورون بہت زیادہ حاصل ہو تے ہیں، جو دماغی کار کردگی کو بہتر بنانے کیلئے بہت زیادہ مفید ہیں۔ اس حاضر دماغی اور حافظہ بہترین ہو جا تا ہے۔
5۔ جدید ریسرچ کے مطابق 12 دانے کشمش(منقیٰ) صبح ناشتے میں کھائے جائیں تو دماغی طاقت بڑھتی ہے‘ ڈیپریشن کے مریضوں کو آزمایا گیا تو ان کو ذہنی سکون ملا‘ اس کے علاوہ جسمانی طاقت میں بھی افاقہ ہوا۔ خاص طور پر بچوں کیلئے بہت مفید پائی گئی۔