محترم حضرت حکیم صاحب السلام علیکم! آپ کے ماہنامہ عبقری کی قاریہ ہوں اور استفادہ حاصل کرتی ہوں۔ لفظ عبقری کا تجسس دل میں پیدا ہوا۔ قرآن مجید کی سورئہ الرحمن میں آیت 55 میں عبقری کا ترجمہ ذہن نشین کر کے حاشیہ پر تفسیر کا مطالعہ کیا۔ مختلف تفاسیر و لغات کے معنی دیکھے۔ عبقری، نادر، عجیب، خوبصورت چیز ہے۔ تفسیر قابوس کے مطابق جس میں کمال ہو قابل توصیف و تعریف۔ میرے دل میں اس کی تڑپ پیدا ہوئی کہ میں بھی اس میں شمولیت کی سعی کروں۔ چونکہ میں ایم اے عربی کی ٹیچر ہوں اور ایک روحانی عاملہ بھی ہوں لہٰذا ذوق و شوق کے پیش نظر اسماء الحسنیٰ میں سے ایک اسم مبارک کا احسن نسخہ آپ کے رسالہ عبقری کے توسط سے پیش کرنے کی جسارت کررہی ہوں۔ روز مرہ زندگی میں مختلف مسائل درپیش ہوتے ہیں مثلاً قرض، افلاس، غربت، بیکاری، بے روزگاری، ازدواجی مسائل، شادی بیاہ، میاں بیوی کی ناچاقی، باہمی لڑائی جھگڑا، زبان درازی، مارکٹائی، فریقین کی بے راہ روی، اولاد کانہ ہونا، اولاد کی نافرمانی، تعلیم سے فرار، جوان لڑکے‘ لڑکیوں کی شادی وغیرہ۔ بسیار مسائل انسان ایسے پریشان کن حالات سے لاچار و بے قرار ہے۔ فرمان الٰہی:لَا رَطْبٍ وَّلَا يَابِسٍ إِلَّا فِي كِتَابٍ مُّبِينٍ تمام مشکلات، امراض کا حل قرآن مجید میں ہے۔
اس دور میں میاں بیوی کی ناچاقی کی محبت کی جگہ نفرت جس سے اکثر اوقات نوبت طلاق تک پہنچ جاتی ہے۔ خاندان کے خاندان برباد ہوجاتے ہیں لہٰذا میاں بیوی کی باہمی محبت کا ایک نایاب عمل قارئین عبقری کی خدمت میں برائے استفادہ پیش کررہی ہوں۔ شرائط: (۱)صرف اپنی ذات کیلئے خود تیار کرسکتے ہیں۔ زعفران و عرق گلاب اور کاہی یا سرکنڈا کے قلم سے لکھیں مزید لکڑی کے قلم یا عام پوائنٹر سے بھی لکھ سکتے ہیں۔ (۴)جسم و لباس پاک ہو او ر باوضو لکھا جائے۔اس تعویذ کو لکھنے کے بعد کسی بھی پھل دار درخت سے لٹکادیں‘ بازو میں باندھ دلیں یا اپنے تکیے میںسی لیں۔کچھ ہی دنوں میں محبوب(بیوی یا شوہر) کتنا ہی روٹھا ہو آپ کی طرف پلٹ آئے گا۔حوالہ تعویذ: مجربات دہلوی‘ علامہ یعقوب مجددی دہلوی‘ مطبوعہ یعقوبی پریس دہلی۔