محترم حضرت حکیم صاحب السلام علیکم!میری شادی کو 10 سال ہوگئے او رمیرے تین بچے ہیں۔ سارا دن ان کی دیکھ بھال اور گھر کا کام کاج کرتے کرتے اکثر میری کمر اور پٹھوں میں درد رہناشروع ہو جاتا۔ بس پھر کوئی کام کرنا عذاب لگتا ۔ محلے کے ڈاکٹر سے دوائی لے لیتی وقتی طور پر ایک دو دن سکون رہتا لیکن پھر کمر میں درد شروع ہو جاتا۔ میں بہت پریشان تھی کہ میں کیسے اس درد میں بچوں کی دیکھ بھال کروں گی؟ عبقری رسالہ تقریباً ایک سال سے میرے شوہر نےہاکر کے ذریعے گھر لگوا رکھا تھا جو ہر ماہ باقاعددگی سے گھر دے جاتا۔ میرے شوہر عبقری بہت شوق سے پڑھتے ہیں۔ ان کے سٹڈی روم میں عبقری کے کافی شمارے پڑے ہیں۔ میں ان کے روم کی صفائی کررہی تھی تو میں نے سوچا کہ آخر میرے شوہر اس رسالے میں اتنی دلچسپی کیوں لیتے ہیں‘ ذرا میں بھی عبقری کا مطالعہ کرکے دیکھوں‘ صفائی چھوڑی اور رسالہ پڑھنے بیٹھ گئی‘ صفحات پلٹتی گئی اور پڑھتی گئی اور منہ سے ماشاء اللہ کا ورد نکالتی گئی‘ لاجواب اور باکمال رسالہ تھا‘ مجھے غصہ آرہا تھا کہ میرے شوہر نے مجھے بھی عبقری پڑھنے کی ترغیب ہی نہ دی اور اتنے بڑے خزانہ سے خود ہی مستفید ہورہے ہیں۔ صفحات پلٹتے پلٹتے آخر کے صفحہ پرادویات کا تعارف پڑھا تووہاں’’کمر،جوڑوں اور پٹھوں کا درد کورس‘‘ کے متعلق لکھا تھا۔ شام کو میرے شوہر گھر آئے تو میں نے پہلے تو ان سے شکوہ کیا کہ آپ نے عبقری کے متعلق مجھے کیوں نہ بتایا مزیدان سے کہا کہ عبقری میں ایک دوائی ہے ’’کمر، جوڑوں اور پٹھوں کا درد کورس‘‘ مجھے وہ چاہیے۔ شوہرصاحب مسکرائے اور کہنے لگے کہ کیسا لگا ’’عبقری‘‘ رسالہ میں نے کہا کہ یہ تو بہت ہی لاجواب رسالہ ہے میں نے آج تک ایسا رسالہ نہیں دیکھا اس میں چھوٹے چھوٹے ٹوٹکے اور نسخہ جات بہت ہیں یہ وہ ٹوٹکے ہیں جو ہماری دادی ، نانی استعمال کیا کرتی تھیں۔ شوہر نے کہا کہ میں تم کو کل دوائی لا دوں گا اگلی شام کو گھر آئے تو ان کے ہاتھ میںکورس تھا۔ ۔ میں نے استعمال کردیا۔ ایک کورس کے استعمال سے درد میں نمایاں کمی ہوئی۔ میں نے اپنے شوہر سے کہہ کر ایک اور کورس منگوا لیا ہے جس کا استعمال ابھی بھی جاری ہے۔ (زوجہ عارف بیگ، لاہور)