محترم حضرت حکیم صاحب السلام علیکم! عرصہ چودہ سال سے بیمار ہوں میں نے اپنا بہت علاج کروایا لیکن مجھے کہیں سے بھی شفاء حاصل نہ ہوئی۔ مجھے جادو، جنات کا مسئلہ بتایا جاتا۔ جنات کی حاضری بھی ہوتی ہے ۔ گھر میں ناچاقی جھگڑے اور بیماری بھی رہتی ہے۔ میرے گھر میں ہر فرد کسی نہ کسی مسئلے کا شکار رہتا ہے۔ والدہ کو نیند نہیں آتی۔ چھوٹے بھائی کی صحت بہت زیادہ خراب رہتی ہے اور والد صاحب کا کاروبار بالکل بھی نہیں ہے جسکی وجہ سے معاشی تنگدستی بہت زیادہ ہے۔ میرے بہن بھائی مجھ سے چھوٹے ہیں اور طالب علم ہیں۔ فنانس کی کمی ان کی تعلیم میں رکاوٹ بن رہی ہے۔ جس وجہ سے بہت پریشان رہتے ہیں ۔میرے بہن بھائی پروفیشنل تعلیم حاصل کرنا چاہتے ہیں۔ میں چاہتی ہوں کہ پیسے کی کمی ان کی تعلیم کی راہ میں رکاوٹ نہ بنے اور میری صحت کا مسئلہ حل ہو جائے۔ جادو، جنات ہمیشہ کے لیے ختم ہو جائیں اور گھر میں سکون آجائے۔ (پوشیدہ،راولپنڈی)
جواب: یَامُسَبِّبَ الْاَسْبَابِ سَبِّبْ لِیَ الْخَیْرَ 1۔اول و آخر درود ابراہیمی گیارہ ‘ گیارہ بار۔ 700 مرتبہ درج بالا دعا پڑھیں۔11 دن۔21. دن یا 41 دن۔ 2۔ مرد حضرات ننگے سر کھلے آسمان کے نیچے بیٹھ کر پڑھیں۔ 3۔خواتین گھر کے اندر بیٹھ کر پڑھیں اور سر ڈوپٹے سے ڈھکا ہونا چاہیے۔اس عمل کے ساتھ سارا دن کھلا سارا گھرانہ اسم الٰہی یَاقَہَّارُ پڑھیں۔ ان شاء اللہ آپ کے تمام مسائل کا حل انہی وظائف میں ہے۔