محترم حضرت حکیم صاحب السلام علیکم!میں آپ کو اپنی داستان کیسے بتائوں مگر پھر بھی کچھ حرف کچھ زیر زبر بتائوں گی ضرور! کچھ عرصہ بلکہ کچھ دن قبل 24 تاریخ کو میرا بیٹا جو عرصہ تین چار سال سے آپ کے زیر علاج ہے دوائی لے کر گیا تھا مسئلہ اس کے ساتھ یہ بنا جب وہ پیدا ہوا تو اس کی پیشاب کی نالی کا سوراخ باریک تھا پیشاب رکتا تھا بعد میں نالی کا آپریشن تو ہوگیا مگر ایک گردے پر اثر ہوا یعنی گردہ سکڑ گیااب بچہ چودہ سال کا ہے پہلے ڈاکٹروں کو دکھاتے رہے کوئی خاص فرق نہیں پڑا، اکثر بیشتر بچے کو بخار ہوتا رہتا تھا آپ سے تین چار سال پہلے علاج کرواناشروع کیا تھا ۔ بات یہ تھی کہ پہلے بچے نے اور خود ہم نے بھی صحیح طرح سے پرہیز نہیں کروایااور نہ اسے عبقری کی ادویات لکھی گئی ترکیب کے مطابق استعمال کروائی۔ چھ سات ماہ پہلے ڈاکٹروں نے گردے واش کرنے کا کہا اور دل پر زخموں کے تیر چلائے اوراتنا مایوس اور ناامید کیا کہ خدا وہ وقت‘ وہ زخم ، وہ درد کسی ماں کو نہ دکھائے یعنی کہ انسان کی تقدیر کا فیصلہ کرنے والے وہ زمینی خدا بن گئے اور ایک ماں کے سامنے کہہ رہے کہ آپ کا بچہ ٹھیک نہیں ہوسکتا۔ مجھے وہ درد آج بھی نہیں بھولتا۔ میں نے اپنے بچے کیلئے بھوکا اورپیاسا رہ کر دعائیں کیں لیکن ڈاکٹروں کے الفاظ کا قہر مجھ پر ہر لمحہ برستا رہا۔ ہم مایوس بدحال ہوچکے تھے‘ہرطرف سے مایوس ہوکر دوبارہ عبقری دواخانہ رابطہ کیا‘ خوش قسمتی سے آپ سے ملاقات کا ٹوکن مل گیا‘ میری دعائیں شاید قبول ہوچکی تھیں کہ میرے بچے کاباپ زندگی میں پہلی مرتبہ میرے ساتھ چلا اور ہم تینوں لاہور آئے۔میرے شوہر نے جب سے ڈاکٹروں کی مایوسی بھری باتیں سنی تب سے اس نے سوچ لیا تھا کہ اس کا علاج کروانے کا مطلب پیسہ ضائع
کرنا اس لیے وہ اس کے علاج کے سخت خلاف تھا بلکہ ہروقت میری دل آزاری کرتا کہ وقت اور پیسہ دونوں برباد کررہی ہو اور اپنے ہی خون کو عجیب نظروں سے دیکھتا جبکہ میں در در کی خاک چھان رہی تھی کہ شاید کہیں اللہ کریم نےمیرے بچے کیلئے شفا ء رکھی ہو۔ الحمدللہ! آپ سے ملاقات ہوئی‘ آپ نے اسے عبقری دواخانہ کی تیار کردہ دوا ’’گردے فیل شفاء اور گردی‘‘ کچھ عرصہ مستقل مزاجی سے استعمال کرنے کا مشورہ دیا اور کہا کہ اگر بچے کی زندگی چاہتے ہو تو اب علاج درمیان میں نہ چھوڑنا۔ الحمدللہ! میں نے پوری توجہ نگرانی اور دھیان سے بچے کو گیارہ ماہ یہ دواکھلائی۔ دوبارہ ملاقات کیلئے وقت ملا تو آپ نے بچے کو چیک کرکے فرمایاجائو جو ڈاکٹر ناامید کرچکے تھے انہیں اس بچے کی رپورٹس کروا کر دکھائو کہ دونوں گردے ٹھیک ہوچکے ہیں۔ بس آپ تین سے چار ماہ مزید یہی ادویات استعمال کروادیں۔ پھر کسی دوا کے استعمال کی ضرورت نہیں۔ اب ماشاء اللہ بچہ پہلے سے بہت بہتر ہے۔ (ایک ماں)