عبقری کو دیکھ کر اس میں جتنے وظائف ہوتے ہیں ان کو پڑھتی ہوں اپنی زندگی میں استعمال کرتی ہوں ۔ قارئین! آپ یقین کریں‘ میرا کچن عبقری‘ میرا بیڈ روم میں عبقری‘ میرا پورا گھر عبقری‘ میرے بچے عبقری ‘خاص کر ہدیہ کرنے والا عمل میرے لیے سونا ہیرا ہے۔ اس عمل نے میری زندگی کی ہر مشکل حل کردی ہے جیسے ہی یہ عمل کرلوں ایک گھنٹے میں میرا کام ہو جاتا ہے‘ ابھی آج ہی بلکہ ابھی ہی کام ہوگیا میرا بہنوئی جس سے میرا جھگڑا ہوگیا تھا وہ میری بہن کو مجھ سے ملنے حتیٰ کہ موبائل فون پر بات کرنے سے بھی سختی سے منع کرتا تھا۔ میں نے سوچا عبقری ہدیہ(تقسیم) کروں‘ بہن سے ملے کافی عرصہ ہوگیا دل کرتا ہے اُدھر ہدیہ کرنے کا ارادہ کیا اُدھر وہ بوتل کے جن کی طرح حاضر ہوگیا ‘لوگ اپنے مسائل لے کر پیرفقیروں کے پاس جاتے ہیں لیکن میرے لیے میرا رہبر عبقری ہے اور میں مرتے دم تک اسکی گرویدہ ہوں‘ عبقری سے میرے زندگی میں ہزاروں تجربے ہیں مگر یہ پہلی ملاقات ہے وقتاً فوقتاً میں اپنے تجربات سے آگاہ کرتی رہوں گی کیونکہ عبقری میرے لیے پتہ نہیں کیا چیز ہے‘ میں بیان نہیں کرسکتی مجھے تو اس نے زمین سے اٹھا کر آسمان پر بٹھا دیا اور میں اپنے رب سے باتیں کرتی ہوں اپنے آقاﷺ پر ہر وقت درود سلام کے نذرانے پیش کرتی ہوں۔ قارئین! آپ یقین کیجئے اس محلے میں مجھے کوئی نہیں جانتا تھا مگر اب رمضان ہو یا ربیع اوّل‘پورا مہینہ میں آئے دن کسی نہ کسی گھر
سے بلاوآجاتا ہے ‘باجی آپ ضرور آئیں اور میرا پورا مہینہ افطاری‘قرآن خوانی‘ درود شریف کی محافل میں گزر جاتا ہے کیونکہ میں اچھی اور سیرت طیبہ پر مبنی کتابیں پڑھتی ہوں ‘ اس لیے درس کے لیے بھی جاتی ہوں مجھے خود بھی اپنے آپ پر یقین نہیں آتا ہے کہ واقعی میں پہلے والی ہوں مگر نہیں میرے اندر عبقری آگیا ہے جس نے مجھے اپنے مولا کا اور حضورﷺ کا دیوانہ بنادیا ہے‘ باقی میں ’’جنات کا پیدائشی دوست‘‘ شوق سے پڑھتی ہوں‘ حضرت علامہ لاہوتی پراسراری کے وظائف استعمال کرتی‘ ان کو بھی دل کی گہرائیوں سے سلام پیش کرتی ہوں میں بھی عبقری سے جڑنا چاہتی ہوں‘ آپ میری اس گزارش کو ضرور قبول کرلیں کیونکہ میری زندگی میں بہت تجربے ہیں جن کو میں قارئین کی نذر کرنا چاہتی ہوں۔ (پوشیدہ‘ گجرات)