صاحب کشف بننے کے لئے
جو شخص یہ چاہتاہوکہ اللہ کریم اس کےدل کی آنکھیں کھول دیں اور وہ صاحب کشف بن جائےتو اُسے چاہیے کہ وہ روزانہ 41مرتبہ سورہ ٔملک کو پڑھنے کا معمول بنالے ایک وقت آئے گااس کی آنکھوں کےسامنے سے پر دے ہٹ جائیں گے۔
جگر کی خرابی کا علاج
اگرکسی کا جگر کام نہ کرتا ہو اسے پیلیا ہوگیا ہو یا کھانا ہضم نہ ہوتا ہو‘ یا اس کے چہرے اور پاؤں پر ورم آگیا ہو تو ایسی تمام صورتوں میں مندرجہ ذیل آیت باوضو ایک کاغذ کے ٹکڑے پر لکھ کر موم جامہ کرکے مریض کے گلے میں ڈال دے اور یہی آیت چینی کے بغیر پھول والی پلیٹوں پر عرق گلاب میں زعفران گھول کر اس سے باوضو لکھے اور ایک پلیٹ روزانہ پانی سے دھو کر نہار منہ (صبح کچھ کھایا نہ ہو) مریض کو پلائیں۔ چند دن کے علاج سے انشاء اللہ تعالیٰ مریض کو فائدہ ہوگا اور وہ صحت یاب ہوجائے گا۔ وہ آیت یہ ہے:۔بِسْمِ اللّٰہِ الرَّحْمٰنِ الرَّحِیْم۔ قُلْ لَّوْ کَانَ الْبَحْرُ مِدَادًا لِّکَلِمٰتِ رَبِّیْ لَنَفِدَ الْبَحْرُ قَبْلَ اَنْ تَنْفَدَ کَلِمٰتُ رَبِّیْ وَلَوْ جِئْنَا بِمِثْلِہٖ مَدَدًاo( الکہف109)
جو عورت بانجھ مشہور ہو اس کیلئے
اگر کوئی عورت بانجھ مشہور ہو اور حمل نہ ٹھہرتا ہو تو مندرجہ ذیل آیت باوضو کوئی سنار چاندی کی تختی پر کندہ کردے اور اس تختی کو پلاسٹک کوٹنگ کراکے(تعویذ کی طرح) وہ عورت اپنی چوٹی میں باندھ لے اس دوران اپنے مرد سے قربت کرتی رہے۔ انشاء اللہ تعالیٰ جلد حاملہ ہوگی۔ آیت۔اِنَّ اللّہَ فَالِقُ الْحَبِّ وَالنَّویٰ ط یُخْرِجُ الْحَیَّ مِنَ الْمَیِّتِ وَمُخْرِجُ الْمَیِّتِ مِنَ الْحَیِّ ط ذٰلِکُمُ اللّٰہُ فَاَنّٰی تُؤْفَکُوْنَo (الانعام 95)
جان و اولاد کی حفاظت کیلئے
جو شخص کسی دشمن سے اپنی یا اپنی اولاد کی جان کو خطرے میں محسوس کرتا ہے تو اسے چاہیے کہ مندرجہ ذیل آیت کو باوضو کسی سنار سے چاندی کی تختی پر نقش کرالے اور 40 مرتبہ یہی آیت باوضو پڑھ کر اس تختی پر دم کردے اور وہ چاندی کا ٹکڑا انگوٹھی میں نگینے کے نیچے رکھ لے۔ اس انگوٹھی کو اپنے ہاتھ کی انگلی میں پہن لے اور کبھی نہ اتارے۔ انشاء اللہ تعالیٰ جان ومال اور اولاد محفوظ رہیں گے۔ وَاِنَّا نَحْنُ نَزَّلْنَا الذِّکْرَ وَاِنَّا لَہٗ لَحٰفِظُوْنَ o(الحجر 9)
زبان میں لکنت اور توتلا پن دور کرنے کے لئے
اگر کسی شخص کی زبان میں لکنت اورتوتلاپن ہولڑکھڑاہٹ یا خود اعتمادی کی کمی ہو‘ کہیں دوچار لوگو ں کے سامنے بات نہ ہوتی ہو‘ اچھے برے فیصلہ کرنے کی صلاحیت نہ رکھتا ہو،جھجک بہت زیادہ ہوفوراً پسینے میں شرابور ہوجائے تو ایسے شخص کو چاہیے کہ سورہ ٔ جمعہ کودن میں 3مرتبہ کسی بھی وقت باوضو پڑھ لیں‘ یہ عمل 41دن تک بلاناغہ کریں۔