محترم شیخ الوظائف السلام علیکم! میری شادی کو 19 سال ہوگئے ہیں‘ گھر میں لڑائی جھگڑے‘ کاروبار تباہ اور قرض میں ڈوبے ہوئے ہیں۔ کچھ سمجھ نہیں آرہی کیا کروں؟ کہاں جاؤں؟ اتنے سال برداشت کرکرکے تھک چکی ہوں‘اب اعصاب جواب دے چکے ہیں‘ بعض اوقات تین تین دن گھر میں کھانے کو کچھ نہیںہوتا‘ قرض دینے والے غلیظ زبان استعمال کرتے ہیں۔کچھ بتائیے قرض اتر جائے‘ جھگڑے ٰختم ہوجائیں۔ (پوشیدہ‘ گجرات)
جواب:آپ اور آپ کے تمام گھر والے یہ عمل اپنی زندگی کا معمول بنالیں ۔ طریقہ عمل :رات کو سوتے وقت اور صبح بستر سے اٹھنے سے پہلے اَعُوْذُ بِاللّٰہِ مِنَ الشَّیْطَانِ الرَّجِیْمِ،بِسْمِ اللّٰہِ الرَّحْمٰنِ الرَّحِیْمِ ،لَاحَوْلَ وَلَا قُوَّۃَ اِلاَّ بِاللّٰہِ الْعَلِیِّ الْعَظِیْمگیارہ مرتبہ پڑھیں اول و آخر سات مرتبہ درود شریف۔دوران وضو اورباقی سارا دن وضو کی مسنون دعا سینکڑوں ہزاروں کی تعداد میں پڑھتے رہیں۔ اَللّٰھُمَّ اغْفِرْلِیْ ذَنْبِیْ وَوَسِّعْ لِیْ فِیْ دَارِیْ وَبَارِکْ لِیْ فِیْ رِزْقِیْ۔