محترم حضرت حکیم صاحب السلام علیکم!عبقری رسالہ ہم سب کا پسندیدہ ترین میگزین ہے۔ اس میں لوگوں کے آزمودہ نسخہ جات اور وظائف پڑھ کر دل کو تسلی ہوتی ہے۔سردیوں میں اکثر پاؤں ٹھنڈ سے سن ہوجاتے ہیں‘اس کے علاوہ لحاف یا رضائی ایسے ہوجاتی ہے جیسے بھیگی ہوئی ہو‘ایسی صورتحال میں ایک ڈیڑھ لیٹر پلاسٹک کی خالی بوتل لیں‘ اس ابلتا ہوا پانی ڈال کر بھرلیں اور مضبوطی سے ڈھکن بندکرلیں۔ایسی تین سے چار بوتلیں بنالیں اور لحاف میں لیٹ کر دو بوتلیں پاؤں کی طرف دو بوتلیں کمر اور بازوں کے ساتھ رکھ لیں۔ چند سیکنڈ میں لحاف یا رضائی گرم ہوجائے گی اور جسم پرسکون ہوجائے گا۔ اللہ پاک کا شکر ادا کرکے ہمارے لیے دعا ضرور فرمائیں۔ (محمد اکرم صدیقی‘ ہرنولی)