ماہنامہ عبقری - جون 2009ء

لیموں ایک ایسا پھل ہے جس کی خاصیت سے کوئی انکار نہیں کر سکتا۔ لیموں آپ کے سراپے کو خوبصورت اور دلکش بنانے کی تمام تر خوبیاں اپنے اندر رکھتا ہے۔ بہت زیادہ چکنی جلد کیلئے ایک لیموں کا عرق نکال لیں، اس کے ہم وزن ٹھنڈا پانی لیں اور دونوں کو مکس کرلیں۔ اس آمیزہ سے پانچ منٹ تک اپنے چہرے پر ہلکا ہلکا مساج کریں اور پھر ٹھنڈے پانی سے چہرہ دھو لیں۔ بدرونق جلد کیلئے آدھا چمچ لیموں کا رس ، ایک چمچ کھیرے کا رس اور چند قطرے عرق گلاب، اس آمیزے کو چہرے اور گردن پر لگائیں اور پندرہ منٹ کے بعد نارمل پانی سے دھو لیں۔ یہ عمل آپ کی جلد کو رونق بخشے گا۔ کھلے ہوئے مسام کم کرنے کیلئے اگر آپ کے چہرے کے مسام کھل گئے ہیں اور اگر آپ چاہتی ہیں کہ یہ مسام کم ہو جائیں تو لیموں کا رس لیں اور جلد پر لگائیں اور پندرہ منٹ بعد چہرہ دھو لیں۔ گرتے ہوئے بالوں کیلئے ایک لیموں کا رس اور چار چمچ ناریل کا پانی ملالیں اور اسے سر کی جلد پر اچھی طرح ملیں۔ ایک گھنٹے تک ایسا ہی رہنے دیں۔ پھر سردھو لیں اس عمل کو ہر ہفتہ تین تین بار دہرائیں۔ پچھلا صفحہ