یہ عمل میں چند ہفتے کرتی رہی جس کی بدولت اللہ پاک نے مجھے اس کلام پاک کے صدقے سےعافیت بخشی اور میری پلک کے نیچے سے رسولی کا نشان تک ختم ہوگیا۔ سبحان اللہ۔ اللہ پاک ہم سب کو قرآن پاک پر عمل کرنے کی توفیق عطا فرمائے۔

محترم حضرت حکیم صاحب السلام علیکم! میرے پاس قرآن پاک سے حیران کن مشکل آسان کرنے والا نسخہ ہے جو میں عبقری قارئین کی خدمت میں پیش کررہی ہوں۔ کچھ عرصہ پہلے میری دائیں آنکھ کی پلک کے نیچے چھوٹی سی رسولی بننا شروع ہوگئی جو دن بدن بڑھتی ہوئی نظر آرہی تھی جس کا مجھے آنکھ پر تکلیف اور بوجھ بھی محسوس ہوتا تھا۔ کسی نے کہا کہ یہ رسولی جب تھوڑی سی بڑی ہوگئی تو پھر اس کا آپریشن کروالینا لیکن ہمارے گھر کے قریب ایک مسجد ہے جس کے قاری صاحب ہر روز ہمارے گھر مجھے قرآن پاک پڑھانے آتے تھے۔ میری امی جان نے مجھے کہا کہ جب قرآن پاک کی تلاوت کرنے لگو تو قرآن پاک کے اوراق کو چوم کر اپنی آنکھوں کی پلک پر لگا کر اللہ پاک سے دعا کرنا کہ وہ ہماری اس مشکل کو اپنی رحمت کے صدقے اور اس مقدس اوراق کے صدقے آسان کردے اورآپریشن جیسی تکلیف سےبچائے۔ یہ عمل میں چند ہفتے کرتی رہی جس کی بدولت اللہ پاک نے مجھے اس کلام پاک کے صدقے سے عافیت بخشی اور میری پلک کے نیچے سے رسولی کا نشان تک ختم ہوگیا۔ سبحان اللہ۔ اللہ پاک ہم سب کو قرآن پاک پر عمل کرنے کی توفیق عطا فرمائے اور وہ ہمیں پکا سچا مسلمان بنائے۔ آمین۔ (اقصیٰ پروین‘ حویلی لکھا)
ایک چھوٹی سی آیات‘ بڑا کام‘ قارئین عبقری کے نام
محترم حضرت حکیم صاحب السلام علیکم! یہ میرے گھر کا ہی واقعہ ہے میرے کزن کی شادی کو تقریباً پانچ سال ہوگئے ہیں جس گھر میں میرے کزن کی شادی ہوئی ہے‘ لڑکی کے خاندان والوں کا ارادہ نہیں تھا یعنی اس رشتہ کیلئے لڑکی کی کچھ قریبی رشتہ دارراضی نہیں تھیں اس رشتہ کیلئے صرف لڑکی کا باپ راضی تھا۔ لڑکی کی وہ رشتہ دار اس رشتہ کو اپنے بچوں کیلئے لینا چاہتی تھیں‘ جب ان کے گھر کوئی رشتہ لینے کیلئے جاتا وہ اٹھ کھڑی ہوتیں‘ آخرکار جب ہم رشتہ کیلئے گئے تو لڑکی کے باپ نے ہاں کردی کیونکہ وہ ان کے ارادے بھانپ چکا تھا اور ہم بھی اللہ کے کرم سے کھاتے پیتے گھرانے سے ہیں‘ اس لیے فوری رشتہ کی ہاں ہوگئی۔ آخرکار شادی ہوگئی لیکن شادی کے بعد لڑکی کی وہ رشتہ دار آرام سے نہ بیٹھیں اور تعویذوں کیلئے دوڑنا شروع کردیا ان کے اپنے گھر کا یہ حال ہے کہ ان کے بچوں کو عمریں کافی زیادہ ہوچکی ہیں‘ تقریباً چالیس چالیس سال کے لگ بھگ مگر ان کیلئے کوئی رشتہ نہیں آیا۔لہٰذالڑکی کی رشتہ داروں نے میری کزن کی بیوی پر تعویذ و جادو شروع کرادئیے۔ آئے دن میرے کزن کی بیوی بیمار رہنے لگی‘ رات کو سوتے سوتے ڈر جاتی‘ بعد میں اثر زیادہ ہوگیا۔ اس کے بعد ان کے گھر سے کوئی نہ کوئی چیز گم ہوجاتی‘ آخر بعد میں ایسے ہونے لگا کہ وہ اپنی الماری میں جب اپنے کپڑے رکھتی جب کچھ دن بعد پہننے کیلئے نکالتی تو وہ کاٹے ہوئے ملتے کسی کے پانچے کاٹ دئیے ہوتے کسی کے بازو والی جگہ ایسے جیسے کوئی قینچی سے کاٹتا ہے۔ اس کے گھر میں بھی سوائے اس کی ساس صاحبہ کے اور کوئی نہیں کہ آدمی کسی پر شک کرتا آخرکار ہم دم تعویذوں کے پاس جانے لگے جس کے پاس بھی جاتے سب یہی کہتے کہ اس پر جادو کیا گیا ہے کوئی تعویذ دیتا کوئی پانی دم کرکے دیتا لیکن کوئی افاقہ نہ ہوا۔ آخرکار مجھے ایک وظیفہ ملا وہ میں نے ان کو لکھ کردیا۔ انہوں نے وہ وظیفہ کیا‘ اللہ کا کرم ہوا اب ان کے گھر کوئی مسئلہ بھی نہیں ہے۔ اب نہ ہی ان کے کپڑے کاٹے جاتے ہیں اور نہ ہی میرے کزن کی بیوی ڈرتی ہے۔ ماشاء اللہ اب وہ صحت مند ہے جیسے شادی سے پہلے تھی۔ سورۂ طٰہٰ کی آیت نمبر 68،69 گیارہ دن تک سو دفعہ روزانہ پڑھ کر اپنے اوپرپھونک ماریں‘ میاں بیوی دونوں کریں اور اس عمل کے دوران اور کوئی عمل نہ کریں۔ اس کا عمل جادو کیلئے اکسیر ہے۔ اس کے بعد جادو سے مکمل نجات کیلئے قرآن شریف کی آخری دو سورتیں پڑھتےہیں‘ ہمیشہ کیلئے کوئی جادو اثر نہیں کرے گا۔ مبارک آیات یہ ہیں

(کلیم اللہ شیخ‘ پہاڑپور)